کراچی میں متحدہ عرب امارات کے 54ویں قومی دن کی پُروقار تقریب منعقد کی گئی، جہاں یو اے ای کے قونصل جنرل بخیت عتیق الرومیتی نے کور کمانڈر کراچی لیفٹیننٹ جنرل محمد اویس دستگیر، وزیراعلیٰ سندھ سید مراد علی شاہ اور گورنر سندھ کامران خان ٹیسوری کے ہمراہ کیک کاٹا۔
تقریب میں پیپلزپارٹی خواتین ونگ کی سربراہ فریال تالپور، ڈی جی فارن افیئر عرفان سومرو اور دیگر اہم شخصیات بھی موجود تھیں۔ تقریب کا اہتمام دونوں ممالک کے برادرانہ تعلقات کے اظہار کے طور پر کیا گیا۔
