انقرہ: وفاقی وزیرِ صحت سید مصطفیٰ کمال نے آج ترکیہ کے دارالحکومت انقرہ میں ترک ہلالِ احمر (ریڈ کریسنٹ) کی صدر پروفیسر ڈاکٹر فاطمہ مریچ یِلماز سے ملاقات کی۔ ملاقات میں صحت اور انسانی بہبود کے مختلف شعبوں میں دوطرفہ تعاون بڑھانے پر تفصیلی تبادلۂ خیال کیا گیا۔
سہراب گوٹھ پولیس کا جمالی گوٹھ میں بڑا کومبنگ آپریشن، غیر قانونی افغان باشندے گرفتار
دونوں فریقین نے پاکستان اور ترکیہ کے دیرینہ، برادرانہ اور مستحکم تعلقات پر اطمینان کا اظہار کرتے ہوئے تعاون کے نئے پہلوؤں پر غور کیا۔ وزیرِ صحت مصطفیٰ کمال نے بالخصوص بلڈ سروسز کے شعبے میں شراکت بڑھانے پر زور دیا، جس میں جدید بلڈ بینک مینجمنٹ سسٹمز، حفاظتی معیارات اور استعداد کار میں اضافے جیسے امور شامل تھے۔
ملاقات میں ہیلتھ انشورنس کے نظام سے متعلق تجربات کے تبادلے پر بھی گفتگو ہوئی، جہاں بہترین طریقۂ کار، پالیسی سازی اور مؤثر سروس ڈلیوری ماڈلز پر خصوصی توجہ دی گئی۔
دونوں جانب نے مشترکہ تربیتی پروگرامز، تکنیکی تعاون اور جامع و مستحکم صحت معاونتی نظام کے قیام کے لیے اشتراک کو مزید گہرا کرنے پر اتفاق کیا۔