اسلام آباد: جمعیت علماء اسلام (ف) کی مرکزی مجلسِ شوریٰ کا اجلاس دوسرے روز بھی اسلام آباد میں جاری ہے۔ اجلاس کی صدارت پارٹی سربراہ مولانا فضل الرحمان کر رہے ہیں۔
جے یو آئی کے ترجمان اسلم غوری کے مطابق اجلاس میں 27 ویں آئینی ترمیم اور کم عمری کی شادی سے متعلق مجوزہ بل کا تفصیلی جائزہ لیا جارہا ہے۔ اس کے علاوہ مدارس بل اور گھریلو تشدد کے حوالے سے بل پر شرعی و آئینی نکات کا باریک بینی سے جائزہ لیا جائے گا۔
ترجمان کے مطابق اجلاس میں امن و امان کی مجموعی صورتحال اور خطے میں جاری حالات پر بھی غوروخوض کیا جائے گا۔
اجلاس کے سلسلے میں اطلاعات جمعیت علماء اسلام کے میڈیا سیل کی جانب سے فراہم کی گئی ہیں۔