قومی ادارہ برائے امراضِ قلب (این آئی سی وی ڈی) نے اپنے ملازمین اور ان کے اہلِ خانہ کے لیے ایک جامع میڈیکل ہیلتھ انشورنس پالیسی کا اعلان کر دیا ہے۔ اس فلاحی اقدام کے تحت ملازمین کے شوہر/بیویاں، بچے اور والدین بھی انشورنس پلان میں شامل ہوں گے، تاکہ ادارے کے تمام عملے اور ان کے اہلِ خانہ کو مکمل طبی تحفظ فراہم کیا جا سکے۔
دو گول کرنے والے ایسٹیواو کی شاندار کارکردگی برازیل نے جنوبی کوریا کو 0-5 سے شکست دے دی
ترجمان کے مطابق یہ پالیسی این آئی سی وی ڈی کے اُس عزم کی تجدید ہے کہ ادارہ نہ صرف عوام کو عالمی معیار کی مفت امراضِ قلب کی سہولیات فراہم کر رہا ہے بلکہ اپنے محنتی ملازمین کی فلاح و بہبود کو بھی ترجیح دیتا ہے۔
پالیسی کے تحت ملازمین اور ان کے اہلِ خانہ کو ملک بھر کے معتبر اسپتالوں اور طبی مراکز سے علاج کی سہولت حاصل ہوگی۔ اس میں داخلے، ایمرجنسی علاج، آپریشنز اور دیگر ضروری طبی خدمات شامل ہیں۔
ایگزیکٹو ڈائریکٹر پروفیسر طاہر صغیر نے کہا کہ
“ہمارے ملازمین کی صحت و خوشحالی براہِ راست اُس معیارِ خدمت سے جڑی ہے جو ہم اپنے مریضوں کو فراہم کرتے ہیں۔ یہ ہیلتھ انشورنس پالیسی اُن کی محنت اور جذبہِ خدمت کا اعتراف ہے۔”
انہوں نے مزید کہا کہ یہ اقدام حکومتِ سندھ کے بھرپور تعاون سے ممکن ہوا، جو ہمیشہ این آئی سی وی ڈی کے ساتھ شانہ بشانہ کھڑی ہے تاکہ پاکستان کے عوام کو معیاری اور مفت علاج فراہم کیا جا سکے۔
یہ تاریخی فیصلہ ادارے کے اُس وژن کو تقویت دیتا ہے جس کا مقصد ایک صحت مند، محفوظ اور پُرعزم ورک فورس تشکیل دینا ہے — جو دنیا کے سب سے بڑے اور کامیاب کارڈیک کیئر نیٹ ورکس میں سے ایک کی بنیاد ہے۔
