کراچی (اسٹاف رپورٹر) — ضلع کیماڑی تھانہ موچکو پولیس نے اسمگلنگ کے خلاف دو مختلف مقامات پر کامیاب کارروائیاں کرتے ہوئے ممنوعہ اور مضر صحت سامان برآمد کر لیا۔
کراچی میں ایف آئی اے کی بڑی کارروائیاں، کروڑوں کی ملکی و غیر ملکی کرنسی برآمد، 3 ملزمان گرفتار
ایس ایس پی کیماڑی کیپٹن (ر) فیضان علی کے مطابق حب ریور روڈ پر حب چوکی کی جانب سے آنے والی دو گاڑیوں کو روکا گیا، جن سے مضر صحت انڈین گٹکا، چھالیہ اور ماوا برآمد ہوا۔ پولیس نے دونوں کارروائیوں میں مجموعی طور پر 3 ملزمان کو گرفتار کیا۔
پہلی کارروائی میں ایک کار سے دو بورے (100 عدد پڑیاں) ماوا اور 130 پیکٹ انڈین گٹکا برآمد کر کے بلند علی اور سکندر کو گرفتار کیا گیا۔
دوسری کارروائی میں ایک اور گاڑی سے 07 بورے چھالیہ، 15 پیکٹ انڈین گٹکا اور 50 پڑیاں ماوا برآمد کر کے محمد عرفان نامی ملزم کو حراست میں لیا گیا۔
ایس ایچ او تھانہ موچکو انسپکٹر ملک فیصل لطیف کی سربراہی میں پولیس پارٹی نے یہ کامیاب کارروائیاں کیں۔ گرفتار ملزمان کے خلاف مقدمات درج کر کے مزید تفتیش شروع کر دی گئی ہے۔
