کراچی (کرائم رپورٹر) — ڈسٹرکٹ سٹی پولیس نے مختلف ٹارگٹڈ کارروائیوں کے دوران تین اسٹریٹ کرمنلز کو گرفتار کرلیا۔ پولیس کے مطابق گرفتار ملزمان کے قبضے سے تین پستول بمعہ راؤنڈز برآمد ہوئے ہیں۔
آئی سی سی رینکنگ: صائم ایوب دنیا کے نمبر ون ٹی ٹوئنٹی آل راؤنڈر بن گئے
ترجمان پولیس کے مطابق کارروائیاں تھانہ بغدادی، نبی بخش اور چاکیواڑہ کی حدود میں کی گئیں۔ گرفتار ملزمان کی شناخت مجاہد، جنید عرف لوٹا اور رزاق کے ناموں سے ہوئی ہے۔
پولیس کے مطابق ملزمان عادی اور پیشہ ور مجرم ہیں۔ ملزم مجاہد اس سے قبل قتل کے مقدمے اور غیر قانونی اسلحہ رکھنے کے الزام میں گرفتار ہو کر جیل جا چکا ہے۔
ترجمان نے بتایا کہ گرفتار ملزمان کے خلاف متعلقہ تھانوں میں مقدمات درج کرلیے گئے ہیں جبکہ انہیں مزید قانونی کارروائی کے لیے انویسٹی گیشن حکام کے حوالے کردیا گیا ہے۔