خیرپور میں تیل و گیس کے نئے ذخائر کی دریافت، اوجی ڈی سی کو بڑی کامیابی

خیرپور (اسٹاف رپورٹر) — سندھ کے ضلع خیرپور سے توانائی کے شعبے میں اہم پیشرفت سامنے آئی ہے جہاں تیل اور گیس کے نئے ذخائر دریافت ہوئے ہیں۔ او جی ڈی سی کے ترجمان کے مطابق بترسم ایسٹ ون کنویں سے یومیہ ساڑھے 22 ملین مکعب فٹ گیس اور 690 بیرل کنڈینسیٹ حاصل ہوگا۔

اسلام آباد ہائیکورٹ کا 15 سالہ لڑکی کو شوہر کے ساتھ رہنے کی اجازت دینے کا فیصلہ

ترجمان کے مطابق یہ کنواں 30 جون 2025 کو کھودا گیا تھا جس کی گہرائی 3 ہزار 800 میٹر رکھی گئی۔ اس دریافت سے نہ صرف ملکی توانائی کے ذخائر میں نمایاں اضافہ ہوگا بلکہ طلب و رسد کا فرق بھی کم ہوگا۔

ماہرین کا کہنا ہے کہ اس نئی دریافت سے تیل اور گیس کے درآمدی بل میں بھی خاطر خواہ کمی متوقع ہے، جس سے ملکی معیشت کو سہارا ملے گا۔