اسلام آباد (اسٹاف رپورٹر) — مشیر وزیر خزانہ خرم شہزاد نے کہا ہے کہ پاکستان نے 500 ملین ڈالر یوروبانڈ کی بروقت ادائیگی کر دی ہے، جو ملک کے مالی نظم و ضبط اور اعتماد کا ثبوت ہے۔
SBCA Corruption Exposed | Dg SBCA Muzamil Hussain In Action | Corruption System Exposed
خرم شہزاد نے سماجی رابطے کی ویب سائٹ "ایکس” پر اپنے پیغام میں بتایا کہ 2015 میں جاری کیا گیا 10 سالہ یوروبانڈ 30 ستمبر 2025 کو میچور ہوا جس کی ادائیگی پاکستان نے بروقت کردی۔
انہوں نے کہا کہ قرضوں کی بروقت ادائیگی سے بیرونی ذخائر اور لیکویڈیٹی میں بہتری آئی ہے، عالمی اداروں نے پاکستان کی خودمختار ریٹنگ میں بہتری کی ہے جب کہ سرمایہ کاروں کا اعتماد بھی بڑھ رہا ہے اور بانڈز پریمیم پر ٹریڈ ہورہے ہیں۔
مشیر خزانہ کے مطابق قرض کا جی ڈی پی تناسب 77 فیصد سے کم ہوکر 70 فیصد پر آگیا ہے جبکہ سرکاری قرض میں بیرونی حصہ 38 فیصد سے گھٹ کر 32 فیصد رہ گیا ہے۔
ان کا کہنا تھا کہ سال 2025 میں قرض کے بڑھنے کی رفتار نمایاں طور پر کم رہی جبکہ عالمی سطح پر قرض لینے کی لاگت میں کمی سے پاکستان کو مزید فائدہ ہوگا۔