کراچی (اسٹاف رپورٹر) — سابق رکن قومی اسمبلی و صدر جوناگڑھ اسٹیٹ لائرز فورم، ایڈووکیٹ ہائیکورٹ سلمان مجاہد نے خیبر پختونخوا کے علاقے درشک میں سکیورٹی فورسز کے کامیاب آپریشن پر مسلح افواج کو خراجِ تحسین پیش کیا ہے۔
پاک بحریہ کی مینگروو شجرکاری مہم 2025 کا آغاز، ماحولیاتی تحفظ میں ایک اور اہم قدم
سلمان مجاہد نے کہا کہ سکیورٹی فورسز نے 17 خوارجی دہشتگردوں کو جہنم واصل کر کے اپنی پیشہ ورانہ صلاحیتوں کا لوہا منوایا ہے۔ ان کے مطابق خوارج کے مذموم عزائم کو خاک میں ملانا افواجِ پاکستان کی بہادری اور عزم کا منہ بولتا ثبوت ہے۔
صدر جوناگڑھ اسٹیٹ لائرز فورم نے کہا کہ قوم سکیورٹی فورسز کے بہادر اور نڈر جوانوں کو سلام پیش کرتی ہے۔ انہوں نے مزید کہا کہ فتنہ الخوارج کے خلاف نمایاں کامیابیاں سمیٹنا دراصل قوم کے تحفظ اور استحکام کی ضمانت ہے۔
سابق ایم این اے کا کہنا تھا کہ پوری قوم ان کامیاب کارروائیوں کو قدر کی نگاہ سے دیکھتی ہے اور مسلح افواج کے ساتھ کھڑی ہے۔