کراچی (کرائم رپورٹر) اسپیشل انویسٹی گیشن یونٹ (ایس آئی یو) / سی آئی اے پولیس نے جمشید کوارٹر کے علاقے میں کارروائی کرتے ہوئے آن لائن منشیات فروخت کرنے والے ملزم کو گرفتار کرلیا۔ ایس ایس پی ایس آئی یو امجد احمد شیخ کے مطابق گرفتار ملزم کی شناخت عرفان کے نام سے ہوئی ہے۔
ڈسٹرکٹ ایسٹ پولیس کا کریک ڈاؤن: 23 ملزمان گرفتار، اسلحہ، منشیات اور گٹکا برآمد
کارروائی کے دوران ملزم کے قبضے سے تقریباً ایک کلو ویڈ برآمد کرلی گئی۔ ابتدائی تفتیش میں انکشاف ہوا ہے کہ ملزم شہر کے پوش علاقوں میں منشیات سپلائی کرتا تھا اور آن لائن واٹس ایپ کے ذریعے آرڈر وصول کرتا تھا، ساتھ ہی ایڈوانس پیمنٹ بھی لی جاتی تھی۔
ایس ایس پی کے مطابق ملزم نوجوان لڑکوں اور لڑکیوں کو بھی نشانہ بناتا تھا جبکہ کوریئر سروس کے ذریعے بھی منشیات سپلائی کی جاتی تھی۔ گرفتار ملزم کے خلاف ایس آئی یو میں مقدمہ درج کرلیا گیا ہے اور مزید انٹیروگیشن جاری ہے۔