کراچی: گارڈن عثمان آباد میں مین ہول کی صفائی کے دوران افسوسناک واقعہ پیش آیا جس میں باپ بیٹے سمیت تین افراد ڈوب کر جاں بحق ہوگئے۔
وزیراعظم شہباز شریف امریکا روانہ، اقوام متحدہ جنرل اسمبلی سے خطاب کریں گے
علاقہ مکینوں کے مطابق تینوں افراد کو مین ہول کی صفائی کے لیے بلایا گیا تھا۔ دورانِ صفائی ایک خاکروب ڈوب گیا، جبکہ اسے بچانے کی کوشش میں مزید دو افراد بھی ڈوب کر جان سے گئے۔ جاں بحق ہونے والوں میں باپ بیٹا شامل ہیں جن کی شناخت وشال، جارج اور شاہد کے نام سے ہوئی ہے۔
مقامی افراد کا کہنا ہے کہ مرنے والے خاکروب کے پاس صفائی کے لیے حفاظتی آلات موجود نہیں تھے۔ تینوں افراد پرانا گولیمار کے رہائشی تھے۔
اہل خانہ نے واقعے پر شدید دکھ اور افسوس کا اظہار کرتے ہوئے اعلیٰ حکام سے فوری نوٹس لینے اور ذمہ داروں کے خلاف کارروائی کا مطالبہ کیا ہے۔