کراچی (اسٹاف رپورٹر) — میئر کراچی بیرسٹر مرتضیٰ وہاب نے کہا ہے کہ پاکستان میں روزانہ اوسطاً 14 خواتین سروائیکل کینسر کا شکار ہوتی ہیں، جن میں سے تقریباً 70 فیصد خواتین اس مہلک مرض سے جان کی بازی ہار جاتی ہیں۔
کراچی: رینجرز کی کارروائی، مضر صحت چھالیہ بنانے والی فیکٹری سے 3 ہزار کلو گرام چھالیہ برآمد
انہوں نے کہا کہ دنیا بھر میں خواتین کو سروائیکل کینسر سے محفوظ رکھنے کے لیے HPV ویکسین مؤثر ذریعہ ثابت ہوئی ہے۔ یہی ویکسین امریکا، یورپ، سعودی عرب، یو اے ای، قطر سمیت دنیا کے 49 ممالک میں استعمال کی جا رہی ہے۔
میئر کراچی نے بتایا کہ حکومت سندھ نے اپنی بچیوں کو اس مرض سے بچانے کے لیے 15 سے 27 ستمبر تک HPV ویکسینیشن مہم کا آغاز کر دیا ہے۔ اس مہم کے تحت مختلف اسکولوں اور مراکز میں ہیلتھ ورکرز کی مدد سے بچیوں کو یہ ویکسین مفت فراہم کی جا رہی ہے۔
مرتضیٰ وہاب نے عوام سے اپیل کی کہ وہ حکومت کی اس مہم میں بھرپور تعاون کریں تاکہ مستقبل میں بچیوں کو صحت کے حوالے سے کسی پریشانی کا سامنا نہ کرنا پڑے اور سروائیکل کینسر جیسی جان لیوا بیماری سے نجات مل سکے۔