لاہور: سیشن کورٹ لاہور نے وزیراعظم شہباز شریف کے بانی پاکستان تحریک انصاف کے خلاف دائر ہتک عزت کے دعویٰ پر گزشتہ سماعت کا تحریری حکم جاری کر دیا۔ ایڈیشنل سیشن جج یلماز غنی کی جانب سے جاری حکم نامے میں کہا گیا ہے کہ شہباز شریف کے بیان پر جرح مکمل ہوچکی ہے، آئندہ سماعت پر باقی گواہوں کو پیش کیا جائے تاکہ ان پر جرح کی جا سکے۔
پنجاب میں سیلاب متاثرہ طلبا کے لیے فیس معافی کی تجویز، حتمی فیصلہ وزیراعلیٰ مریم نواز کریں گی
عدالت نے دونوں فریقین کو ہدایت کی ہے کہ وہ 27 ستمبر کو دوپہر 2 بجے لازمی طور پر عدالت میں پیش ہوں۔
یاد رہے کہ وزیراعظم شہباز شریف نے بانی پی ٹی آئی کے خلاف 10 ارب روپے ہرجانے کا دعویٰ دائر کر رکھا ہے۔ اپنے مؤقف میں انہوں نے کہا کہ پانامہ لیکس کے معاملے پر جھوٹے الزامات لگائے گئے جن سے ان کی ساکھ کو نقصان پہنچا۔ شہباز شریف نے مؤقف اختیار کیا کہ انہوں نے بانی پی ٹی آئی کو زبان بند رکھنے کے لیے کوئی رشوت آفر نہیں کی، لہٰذا عدالت جھوٹے الزامات پر 10 ارب روپے ہرجانہ دلوانے کا حکم دے۔