لاہور: پنجاب میں سیلاب سے متاثرہ علاقوں کے طلبا کے لیے تعلیمی فیسوں میں ریلیف دینے کی تجویز زیر غور ہے۔ وزیر تعلیم رانا سکندر حیات نے وزیراعلیٰ پنجاب مریم نواز کو سرکاری تعلیمی اداروں کے طلبا کی رجسٹریشن اور سمسٹر فیس معاف کرنے کی تجویز پیش کر دی۔
عظمیٰ بخاری کا شرجیل میمن کے بیان پر ردعمل، پیپلز پارٹی کو سخت تنقید کا نشانہ بنایا
رانا سکندر حیات کا کہنا ہے کہ اس فیصلے سے سیلاب متاثرہ خاندانوں پر مالی بوجھ میں کمی آئے گی اور متاثرہ طلبا اپنی تعلیم جاری رکھ سکیں گے۔ ان کے مطابق تجویز کی حتمی منظوری وزیراعلیٰ پنجاب مریم نواز دیں گی۔
وزیر تعلیم نے واضح کیا کہ فیصلے کا اطلاق پبلک کالجز اور یونیورسٹیز پر ہوگا، جبکہ نجی اسکولز، کالجز اور یونیورسٹیز کو بھی چاہیے کہ وہ متاثرہ طلبا کو ریلیف دینے کے لیے آگے بڑھیں۔
رانا سکندر حیات نے کہا کہ پنجاب حکومت متاثرہ طلبا کے ساتھ کھڑی ہے اور تعلیم کے تسلسل کے لیے ہر ممکن تعاون فراہم کیا جائے گا۔