علی پور کے نواحی علاقے سلطان پور میں سیلاب متاثرین نے امدادی سامان لے جانے والے ٹرکوں پر دھاوا بول دیا۔ متاثرین بے قابو ہو کر ٹرکوں پر چڑھ گئے اور جو جس کے ہاتھ آیا اٹھا لے گیا۔ اس دوران بھگدڑ مچ گئی جس میں مقامی پٹواری شدید زخمی ہوگیا اور اس کی ٹانگ ٹوٹ گئی۔
سامان لوٹنے کی ویڈیو سوشل میڈیا پر وائرل ہوگئی ہے جس میں واضح طور پر دیکھا جاسکتا ہے کہ کس طرح متاثرین ٹرکوں سے زبردستی سامان چھین رہے ہیں۔ واقعے نے انتظامیہ کی کارکردگی اور امدادی تقسیم کے ناقص انتظامات پر سوالات کھڑے کر دیے ہیں۔
