کراچی: ایس ایس پی ملیر کی ہدایت پر اسٹیل مل کے قیمتی سامان اور اسکریپ کی چوری میں ملوث عناصر کے خلاف کریک ڈاؤن جاری ہے۔ ترجمان ملیر پولیس کے مطابق تھانہ بن قاسم پولیس نے خفیہ اطلاع پر کارروائی کرتے ہوئے ایک ملزم کو گرفتار کرلیا۔
ایف آئی اے کی کارروائی، انسانی اسمگلنگ میں ملوث غیر قانونی ایجنٹ گرفتار
گرفتار ملزم کی شناخت اسد علی ولد ارشد کے نام سے ہوئی ہے، جس کے قبضے سے چوری شدہ لوہا اور اسکریپ برآمد کیا گیا۔ ابتدائی تحقیقات میں انکشاف ہوا ہے کہ ملزم چوری شدہ سامان مختلف گوداموں میں فروخت کرتا تھا۔
پولیس کے مطابق ملزم کے خلاف ضابطے کے تحت مقدمہ درج کرکے مزید تفتیش شروع کردی گئی ہے، جبکہ دیگر ملوث عناصر کی گرفتاری کے لیے چھاپے مارے جارہے ہیں۔
