کراچی (اسٹاف رپورٹر) ایف آئی اے کراچی زون نے ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج کے خلاف کریک ڈاؤن جاری رکھتے ہوئے بڑی کارروائی کی ہے۔
زمان ٹاؤن پولیس کی کارروائی؛ اسٹریٹ کرمنل گرفتار، اسلحہ برآمد
ایف آئی اے کمرشل بینکنگ سرکل کی ٹیم نے لیاقت نیشنل اسپتال اور شرف آباد کے قریب کارروائی کرتے ہوئے حوالہ ہنڈی میں ملوث دو ملزمان کو گرفتار کرلیا۔ گرفتار افراد کی شناخت محمد اشفاق اور محمد یامین کے نام سے ہوئی ہے۔
ترجمان ایف آئی اے کے مطابق ملزمان کے قبضے سے 72 لاکھ روپے کی رقم، تین موبائل فونز اور حوالہ ہنڈی سے متعلق دیگر شواہد برآمد کرلیے گئے ہیں۔ برآمد شدہ کرنسی کے حوالے سے ملزمان حکام کو مطمئن نہ کرسکے۔
ایف آئی اے کا کہنا ہے کہ گرفتار ملزمان کے دیگر ساتھیوں کی گرفتاری کے لیے چھاپے مارے جارہے ہیں جبکہ ملزمان کو مزید تفتیش کے لیے حراست میں لے لیا گیا ہے۔