مظفرگڑھ: (ڈیسک رپورٹ) مظفرگڑھ کی چک فرازی کی بستی پیردی بھینی میں 25 کے قریب افراد سیلابی ریلے میں پھنس گئے، جنہیں نکالنے کے لیے ریسکیو آپریشن جاری ہے۔
طالبان حکومت کی نئی پابندی: افغانستان میں رومانوی شاعری اور محبت کے موضوعات پر لکھنے پر پابندی
علاقہ مکینوں کے مطابق متاثرہ افراد اپنے فش فارمز بچانے کی کوشش کر رہے تھے کہ اچانک پانی کی سطح بلند ہو گئی اور وہ محصور ہو گئے۔
ڈپٹی کمشنر عثمان طاہر نے کہا کہ پھنسے ہوئے افراد کو محفوظ مقام پر منتقل کرنے کی بھرپور کوششیں کی جا رہی ہیں۔ ریسکیو حکام کے مطابق سیلاب آنے سے قبل ان افراد کو نکالنے کی کوشش کی گئی تھی لیکن انہوں نے انکار کر دیا تھا، تاہم پانی کی سطح بڑھنے کے بعد اب انہوں نے مدد طلب کی ہے۔
ریسکیو ذرائع کا کہنا ہے کہ تمام متاثرہ افراد کا انخلا جلد مکمل کر لیا جائے گا۔