کراچی (کرائم رپورٹر) اے وی سی سی/سی آئی اے پولیس نے کامیاب کارروائی کرتے ہوئے تھانہ منگھوپیر کی حدود سے اغوا ہونے والے 16 سالہ مغوی عبدالمعیز کو بازیاب کرا لیا۔
تفصیلات کے مطابق مورخہ 23 اگست 2025 کو 16 سالہ عبدالمعیز ولد مظہر حسین گھر سے ٹیوشن پڑھنے گیا تھا، جس کے بعد وہ اغوا ہوگیا۔ واقعے کا مقدمہ الزام نمبر 634/25 بجرم دفعہ 364-اے تعزیرات پاکستان تھانہ منگھوپیر میں درج کیا گیا۔
مقدمہ درج ہونے کے بعد اے وی سی سی/سی آئی اے پولیس نے فوری چھاپہ مار کارروائی کی اور مغوی عبدالمعیز کو بحفاظت بازیاب کرا کے والدین کے حوالے کردیا۔
بازیابی کے بعد مدعی مقدمہ نے ایس ایس پی اے وی سی سی کراچی اور ان کی ٹیم کا شکریہ ادا کرتے ہوئے کہا کہ پولیس کی بروقت کارروائی سے ایک بڑا سانحہ ٹل گیا۔
ترجمان ایس ایس پی اے وی سی سی کے مطابق ملزمان کی گرفتاری کے لیے مزید تفتیش جاری ہے۔
