کراچی (ترجمان ملیر پولیس) — ضلع ملیر پولیس نے محرم الحرام کے دوران سیکیورٹی کے غیر معمولی انتظامات کو مؤثر بنانے کے لیے خراب پولیس موبائل گاڑیوں کی مرمت کا عمل مکمل کر لیا ہے۔ یہ کارروائی ایس ایس پی ملیر کاشف آفتاب عباسی کی خصوصی ہدایت پر عمل میں لائی گئی۔
ایس ایس پی ملیر نے خود موبائل گاڑیوں کا معائنہ کیا اور مکمل طور پر فعال گاڑیوں کو متعلقہ تھانوں کے حوالے کیا۔ ان کا کہنا تھا کہ پولیسنگ کے نظام میں بہتری صرف افسران کی بروقت توجہ اور مؤثر فیصلوں سے ممکن ہے۔
انہوں نے مزید کہا کہ گاڑیوں، وسائل اور دیگر سہولیات کو فعال بنانا ہماری اولین ترجیحات میں شامل ہے تاکہ ہر تھانہ اپنی حدود میں مکمل متحرک اور فعال کردار ادا کرے، خصوصاً محرم الحرام جیسے حساس موقع پر۔
