اسلام آباد کی انسدادِ دہشت گردی عدالت نے 9 مئی کے جلاؤ گھیراؤ کیس میں پاکستان تحریک انصاف (پی ٹی آئی) کے چھ کارکنان پر فردِ جرم عائد کر دی ہے۔ کیس کی سماعت جج طاہر عباس سپرا نے کی، جہاں ملزمان نے صحتِ جرم سے انکار کیا۔ یاد رہے کہ اس کیس میں پہلے ہی 42 افراد پر فردِ جرم عائد کی جا چکی ہے۔
عدالت نے سماعت 3 جولائی تک ملتوی کر دی۔ یہ مقدمہ تھانہ شمس کالونی میں درج کیا گیا تھا، جو 9 مئی 2023 کے پُرتشدد واقعات سے متعلق ہے۔ اس روز پی ٹی آئی کے بانی کی گرفتاری کے بعد ملک بھر میں شدید ہنگامہ آرائی ہوئی تھی۔
مظاہرین نے حساس سرکاری تنصیبات کو نشانہ بنایا، جن میں جی ایچ کیو راولپنڈی کے باہر توڑ پھوڑ، جناح ہاؤس لاہور، ریڈیو پاکستان پشاور سمیت متعدد اہم عمارات کو آگ لگانا شامل ہے۔