پاکستان کی دفاعی فورسز نے حالیہ کارروائی میں ایک اہم دفاعی کامیابی حاصل کرتے ہوئے بھارت کے زیرِ استعمال جدید اسرائیلی ڈرونز اور فرانس کے مہنگے ترین رافیل طیاروں کو صرف دو گھنٹوں کے اندر ناکام بنا دیا۔ اس کارروائی نے بھارتی فضائیہ اور بری فوج کی دفاعی حکمت عملی کو شدید جھٹکا دیا ہے۔
پاک-بھارت کشیدگی پر امریکی سفارت خانے کا سیکیورٹی الرٹ؛ شہریوں کو غیر ضروری سفر سے گریز کی ہدایت
ذرائع کے مطابق، پاکستانی ایئر ڈیفنس سسٹم نے اسرائیلی ساختہ ڈرونز کو محض ایک گھنٹے کے اندر نشانہ بنا کر زمین بوس کر دیا، جب کہ رافیل طیاروں کی پیش قدمی بھی ناکام بنا دی گئی۔ اس کامیابی نے بھارت کے دفاعی منصوبوں پر سنگین سوالات اٹھا دیے ہیں۔
بھارتی میڈیا میں اس حوالے سے تنقیدی رپورٹس سامنے آ رہی ہیں جن میں کہا جا رہا ہے کہ رافیل کی ناکامی کے بعد اسرائیلی ڈرونز کا استعمال بھارتی حکمت عملی کی کمزوری ظاہر کرتا ہے۔
یہ صورت حال بھارتی وزیراعظم نریندر مودی اور قومی سلامتی کے مشیر اجیت دوول کی قیادت پر دباؤ بڑھا رہی ہے۔ اپوزیشن جماعتوں نے حکومت پر شدید تنقید کی ہے اور فوجی فیصلوں میں شفافیت کا مطالبہ کیا ہے۔
رافیل طیاروں کی خریداری پر پہلے ہی کرپشن کے الزامات موجود تھے، اور اب ان کی کارکردگی پر بھی سوالات اٹھنے لگے ہیں۔ بھارتی عوام میں اس معاملے پر غم و غصہ بڑھ رہا ہے جبکہ میڈیا پر اس موضوع پر خاموشی اختیار کی جا رہی ہے تاکہ عوامی ردعمل کو قابو میں رکھا جا سکے۔