کراچی: ایس ایس پی ڈسٹرکٹ سینٹرل ذیشان شفیق صدیقی نے عیدالفطر کے موقع پر شہداء پولیس کے گھروں کا دورہ کیا اور اہل خانہ میں عیدی و تحائف تقسیم کیے۔
ایس ایس پی کیماڑی کی شہداء پولیس کے اہل خانہ سے ملاقات، عید کے تحائف پیش
ایس ایس پی سینٹرل نے شہداء کی فیملیز کے ساتھ وقت گزارا، ان کے حالات زندگی دریافت کیے اور پولیس کی جانب سے فراہم کیے جانے والے روابط و تعاون کے بارے میں معلومات حاصل کیں۔
شہداء کے خاندانوں کا پولیس سے اظہارِ تشکر
شہداء پولیس کے اہل خانہ نے بروقت تنخواہوں و مراعات کی ادائیگی، اور عید، تہواروں و شہداء ڈے پر پولیس کی جانب سے یاد رکھنے پر شکریہ ادا کیا۔
شہداء کے اہل خانہ کے مسائل کے حل کے لیے ہدایات
ایس ایس پی سینٹرل نے ویلفیئر انچارج ڈسٹرکٹ سینٹرل کو ہدایت دی کہ شہداء کے خاندانوں کی مسلسل خبرگیری کی جائے اور ان کے مسائل کے حل میں پولیس ہر ممکن تعاون کرے۔
شہداء کی قربانیوں کو خراج تحسین
ایس ایس پی سینٹرل ذیشان شفیق صدیقی نے کہا:
"شہداء سندھ پولیس ہمارا فخر ہیں، اور آج شہر میں قائم امن ہمارے غیور شہداء کی قربانیوں کا ثمر ہے، جسے کبھی فراموش نہیں کیا جا سکتا۔”
