پاکستان ریلوے نے کراچی پورٹ سے پپری تک ڈیڈیکیٹڈ فریٹ کوریڈور (DFC) کے منصوبے کا اعلان کیا ہے، جس کا مقصد شہر میں ٹریفک کے دباؤ کو کم کرنا اور سڑکوں کی حفاظت کو بہتر بنانا ہے۔ یہ منصوبہ ڈی پی ورلڈ، این ایل سی، اور پاکستان ریلوے کے مشترکہ تعاون سے سرمایہ کاری کے تحت مکمل کیا جائے گا۔
آرمی چیف کا ملک میں امن خراب کرنے کی کسی بھی کوشش کا فیصلہ کن جواب دینے کا اعلان
یہ منصوبہ پاکستان میں جدید، محفوظ اور پائیدار ٹرانسپورٹ کے نظام کی جانب ایک اہم قدم ہے۔ منصوبے کی تکمیل سے کارگو ٹرانسپورٹیشن کا عمل زیادہ مؤثر ہوگا اور یہ ملکی معاشی ترقی کے ساتھ ساتھ خطے کی تجارتی سرگرمیوں میں نمایاں کردار ادا کرے گا۔
اس اہم منصوبے کی تقریب کا انعقاد ڈی پی ورلڈ کے دفتر میں کیا گیا، جہاں این ایل سی کے برگیڈیئر، ڈی پی ورلڈ کے ڈائریکٹر، اور ریلوے کراچی ڈویژن کے ڈویژنل سپرنٹنڈنٹ جناب محمد ناصر خلیلی نے شرکت کی۔ تقریب میں ڈپٹی ڈویژنل سپریٹنڈنٹ محمد فرحان اعوان اور ڈی ٹی او پورٹ اسحاق بلوچ بھی موجود تھے۔
تقریب کے دوران شرکاء نے اس منصوبے کو کراچی اور پاکستان کے لیے ایک مثبت اقدام قرار دیتے ہوئے امید ظاہر کی کہ یہ کوریڈور نہ صرف ٹریفک کے مسائل کم کرے گا بلکہ ملک کی مجموعی لاجسٹک کارکردگی میں بھی اضافہ کرے گا۔
