کیماڑی (تشکر نیوز) – کیماڑی تھانہ ڈاکس پولیس نے دو مختلف مقامات پر بڑی کارروائیاں کرتے ہوئے منشیات اور گٹکا/ماوا فروشی میں ملوث ملزمان کو گرفتار کر لیا۔
کراچی ایئرپورٹ پر برازیلین خاتون اسمگلر کے لباس سے ڈیڑھ کلو کوکین برآمد
پہلی کارروائی میں پولیس نے سلطان آباد سے عبدالقادر نامی ملزم کو گرفتار کیا، جس کے قبضے سے 1050 گرام چرس برآمد کی گئی۔
دوسری کارروائی میں فرید نامی ملزم کو گرفتار کر کے اس سے 50 عدد گٹکا ماوا برآمد کیا گیا۔
ایس ایس پی کیماڑی کیپٹن (ر) فیضان علی کی ہدایات پر یہ کاروائیاں کی گئیں، جن کی نگرانی ایس ایچ او تھانہ ڈاکس، انسپکٹر نفیس الرحمان نے اپنے اسٹاف کے ہمراہ کی۔
ملزمان کے خلاف مقدمات درج کرکے مزید تفتیش کی جارہی ہے۔ ایس ایس پی کیماڑی نے پولیس کی بروقت کارروائیوں کو سراہتے ہوئے جرائم کے خلاف سخت اقدامات کرنے کی ہدایت کی۔