اے این ایف نے تعلیمی اداروں کے اطراف منشیات فروشی اور اسمگلنگ کے خلاف کریک ڈاؤن جاری رکھا ہے۔ 13 کارروائیوں کے نتیجے میں 12 ملزمان کو گرفتار کیا گیا اور ایک کروڑ روپے سے زائد مالیت کی 81.806 کلوگرام منشیات ضبط کی گئی۔
اسلام آباد: بی این پی مینگل کے اختر لانگو اور شفیع محمد کے ریمانڈ پر فیصلہ محفوظ
تعلیمی اداروں میں مختلف کارروائیوں کے دوران حیدرآباد میں یونیورسٹی کے قریب ایک ملزم سے 4 کلو چرس جبکہ مانسہرہ کے بیدڑہ چوک کے قریب 230 گرام چرس برآمد ہوئی۔ گرفتار ملزمان نے طلباء کو منشیات فروخت کرنے کا اعتراف کیا۔
دیگر کارروائیوں میں ملتان ایئرپورٹ پر بحرین جانے والے مسافر سے 2 کلو 400 گرام آئس، گوجرانوالہ میں 16 کلو 600 گرام چرس، اور سبی روڈ کوئٹہ کے قریب 1 کلو 500 گرام ہیروئن اور 500 گرام آئس برآمد کی گئی۔
اسلام آباد میں 26 نمبر چونگی کے قریب دو ملزمان سے 1 کلو 200 گرام افیون اور 12 کلو چرس بھی ضبط کی گئی، جبکہ ایم ون اسلام آباد پر 10 کلو ہیروئن اور راولپنڈی کے قریب 4 کلو 800 گرام چرس برآمد ہوئی۔
کراچی میں ایکسپریس مارکیٹ کے قریب ایک ملزم سے 1 کلو 800 گرام چرس برآمد کی گئی، اور فتح چوک حیدرآباد کے قریب 490 گرام چرس مل گئی۔
آر سی ڈی روڈ حب میں ایک کوریئر آفس سے کراچی بھیجے جانے والے پارسل سے 46 گرام ہیروئن بھی ضبط کی گئی۔ تمام گرفتار ملزمان کے خلاف انسداد منشیات ایکٹ کے تحت مقدمات درج کرکے تحقیقات کا آغاز کر دیا گیا ہے۔