صدر مملکت آصف زرداری اور شہید سابق وزیر اعظم بے نظیر بھٹو کی بڑی صاحبزادی بختاور بھٹو زرداری کے ہاں تیسرے بیٹے کی پیدائش ہوئی ہے۔ بختاور بھٹو اور ان کے شوہر محمود چوہدری نے فوٹو اور ویڈیو شیئرنگ پلیٹ فارم انسٹاگرام پر اپنے مداحوں کو اس خوشخبری سے آگاہ کیا اور اس نعمت پر اللہ تعالیٰ کا شکر ادا کیا۔
ڈی آئی جی سکھر اور ایس ایس پی گھوٹکی کے درمیان تنازع، دونوں افسران عہدوں سے فارغ
اگرچہ انہوں نے ابھی اپنے تیسرے بیٹے کا نام ظاہر نہیں کیا، لیکن بتایا کہ اس کی پیدائش 20 اکتوبر 2024 کو ہوئی۔
بختاور بھٹو کے تیسری بار ماں بننے کی خبر کے بعد سوشل میڈیا پر مبارک باد اور نیک خواہشات کا سلسلہ شروع ہوگیا ہے۔
یاد رہے کہ بختاور بھٹو زرداری کی شادی 31 جنوری 2021 کو محمود چوہدری سے ہوئی تھی اور ان کے پہلے دو بیٹے میر حاکم محمود چوہدری اور میر سجاول محمود چوہدری ہیں۔ میر حاکم کی پیدائش 11 اکتوبر 2021 کو جبکہ میر سجاول کی پیدائش 5 اکتوبر 2022 کو ہوئی تھی۔