میر رضا قتل کیس کی تحقیقات کے لیے قائم جوڈیشل کمیشن نے سینئر پولیس افسران کو تحریری سوالنامے ارسال کردیئے۔
ذرائع کے مطابق کمیشن نے ایڈیشنل آئی جی، ڈی آئی جی اور امیر فاروقی سے الگ الگ سوالناموں کے جوابات طلب کیے ہیں۔
کمیشن کے معاون تجمل لودھی ایڈووکیٹ نے پولیس افسران کو سوالنامے ارسال کیے۔
سیل شدہ لفافوں میں جوابات طلب
ذرائع کا کہنا ہے کہ متعلقہ پولیس افسران اپنے جوابات سیل شدہ لفافوں میں جمع کرائیں گے۔
پولیس افسران جوابات تجمل لودھی ایڈووکیٹ کے ذریعے کمیشن کو جمع کرائیں گے۔
کمیشن ان جوابات کی روشنی میں میر رضا قتل کیس کی تحقیقات کو آگے بڑھائے گا۔
