کراچی: ضلع ملیر کے علاقے چوکنڈی میں طویل اور غیر اعلانیہ لوڈشیڈنگ کے خلاف شہری سڑکوں پر نکل آئے۔
مظاہرین نے کے الیکٹرک کے دفتر کے باہر احتجاجی دھرنا دیا اور بجلی کی بندش کے خلاف شدید نعرے بازی کی۔
شہریوں کا کہنا تھا کہ غیر اعلانیہ بجلی کی بندش نے شدید گرمی اور حبس میں مشکلات بڑھا دی ہیں۔ طویل لوڈشیڈنگ کے باعث علاقہ مکینوں کو معمولات زندگی میں دشواری کا سامنا ہے۔
ڈرائیونگ لائسنسنگ سینٹر: کراچی میں موٹروے پولیس کے پہلے مرکز کا افتتاح
بجلی کی فوری بحالی کا مطالبہ
مظاہرین نے کے الیکٹرک انتظامیہ سے بجلی کی فراہمی فوری بحال کرنے کا مطالبہ کیا۔
شہریوں کے مطابق بجلی کی طویل بندش سے گھریلو امور سمیت دیگر روزمرہ سرگرمیاں بھی متاثر ہورہی ہیں۔
احتجاج میں چوکنڈی یو سی چیئرمین رشید پنھور نے بھی شرکت کی۔
غیر اعلانیہ لوڈشیڈنگ پر تشویش
علاقہ مکینوں نے مطالبہ کیا کہ بجلی کی غیر اعلانیہ بندش کا سلسلہ ختم کیا جائے اور لوڈشیڈنگ کے شیڈول سے متعلق شہریوں کو آگاہ کیا جائے۔
مظاہرین نے کہا کہ شدید گرمی میں بجلی کی مسلسل بندش شہریوں کے لیے مزید مشکلات پیدا کررہی ہے۔