سکھر کے تھانہ آباد کی حدود میں ڈکیتی کے دوران ملزمان کی فائرنگ سے پولیس کانسٹیبل اکرم چاچڑ شہید ہوگئے۔
سندھ پولیس کے مطابق واقعے پر آئی جی سندھ جاوید عالم اوڈھو نے سخت نوٹس لیا ہے۔ انہوں نے ڈی آئی جی سکھر سے تفصیلی رپورٹ طلب کرلی۔
آئی جی سندھ کا نوٹس
آئی جی سندھ نے شہید کانسٹیبل اکرم چاچڑ کو خراجِ تحسین پیش کیا۔ انہوں نے اہلِ خانہ سے دلی تعزیت اور ہمدردی کا اظہار بھی کیا۔
جاوید عالم اوڈھو نے ملزمان کی فوری گرفتاری کی ہدایت کی۔ انہوں نے قانون کے مطابق کارروائی یقینی بنانے کا حکم دیا۔
سکھر میں سکیورٹی مزید سخت کرنے کی ہدایت
آئی جی سندھ نے سکھر ریجن میں پولیس گشت مؤثر بنانے کی ہدایت کی۔
انہوں نے داخلی اور خارجی راستوں پر چیکنگ سخت کرنے کا بھی حکم دیا۔ پولیس کو واقعے کے ذمہ دار ملزمان کی گرفتاری کے لیے اقدامات جاری رکھنے کی ہدایت کی گئی ہے۔