موٹروے پولیس افسران کے بچوں کے لیے تعلیمی رعایت کا معاہدہ

نیشنل ہائی ویز اینڈ موٹروے پولیس اور ایک نجی کالج کے درمیان مفاہمتی یادداشت پر دستخط ہوگئے۔

معاہدے کا مقصد افسران اور ملازمان کے بچوں کو کم اخراجات میں معیاری تعلیم فراہم کرنا ہے۔ اس کے تحت بچوں کو مختلف تعلیمی اخراجات میں خصوصی رعایت دی جائے گی۔

شہداء کے بچوں کے لیے 100 فیصد رعایت

مفاہمتی یادداشت کے مطابق شہداء اور مرحومین کے بچوں کو داخلہ فیس میں 100 فیصد رعایت ملے گی۔

دیگر افسران اور ملازمان کے بچوں کے لیے داخلہ فیس میں 50 فیصد رعایت مقرر کی گئی ہے۔

ٹیوشن فیس میں 25 فیصد اور بس فیس میں 10 فیصد رعایت بھی دی جائے گی۔

فلاحی اقدام کی نگرانی

اس اقدام کی سرپرستی آئی جی نیشنل ہائی ویز اینڈ موٹروے پولیس سلطان احمد چوہدری اور ایڈیشنل آئی جی سنٹرل ریجن زبیر اشرف صدیقی کر رہے ہیں۔

سیکٹر کمانڈر سنٹرل-2 ملتان ایس پی محمد کاشف رحیم اور ڈی ایس پی ہیڈکوارٹر محمد حسن بھٹی نے بھی معاہدے کو عملی شکل دینے میں کردار ادا کیا۔

ڈی ایس پی بیٹ 19 محمد طارق چوہدری کی رابطہ کاری سے نجی کالج کے ساتھ خصوصی تعلیمی پیکیج طے پایا۔

موٹروے پولیس حکام نے اس اقدام کو افسران اور ملازمان کی فلاح کے لیے اہم قرار دیا۔ ان کے مطابق بچوں کو معیاری تعلیم کے بہتر مواقع فراہم کرنے کے لیے مزید اقدامات جاری رہیں گے۔

معاہدے کے موقع پر ایس پی محمد کاشف رحیم، ڈی ایس پی محمد حسن بھٹی، ڈی ایس پی محمد طارق چوہدری اور دیگر افسران موجود تھے۔