حیدری مارکیٹ، سپر مارکیٹ، بلال کالونی اور گبول ٹاؤن میں کارروائیاں، گٹکا ماوا، آئس اور پستول برآمد کرنے کا دعویٰ۔
کراچی کے ڈسٹرکٹ سینٹرل پولیس نے منشیات، گٹکا ماوا اور اسٹریٹ کرائم کے خلاف مختلف کارروائیوں میں پانچ ملزمان کو گرفتار کرنے کا دعویٰ کیا ہے۔
پولیس کے مطابق کارروائیاں ایس ایس پی ڈسٹرکٹ سینٹرل ڈاکٹر محمد عمران خان کی ہدایت پر کی گئیں۔ مختلف تھانوں کی حدود میں کارروائیوں کے دوران گٹکا ماوا، آئس اور اسلحہ برآمد کیا گیا۔
حیدری مارکیٹ میں گٹکا ماوا فروش گرفتار
حیدری مارکیٹ پولیس نے کارروائی کرتے ہوئے ارباز عرف اربازی ولد محمد سرور کو گرفتار کیا۔ پولیس کے مطابق ملزم کے قبضے سے گٹکا ماوا کی 25 پڑیاں برآمد ہوئیں۔
پولیس نے ملزم کے خلاف مقدمہ FIR No. 348/2026 درج کرلیا۔ مقدمہ گٹکا ماوا ایکٹ کی متعلقہ دفعات کے تحت درج کیا گیا۔
ایک دوسری کارروائی میں حیدری مارکیٹ پولیس نے محمد اسلم ولد دلبر حسین کو گرفتار کیا۔ پولیس کے مطابق ملزم سے گٹکا ماوا کی 20 پڑیاں برآمد ہوئیں۔
ملزم کے خلاف FIR No. 349/2026 درج کی گئی۔ پولیس کے مطابق محمد اسلم حیدری مارکیٹ تھانے کے ایک سابق مقدمے میں بھی اشتہاری تھا۔
سپر مارکیٹ سے ماوا اور نقد رقم برآمد
سپر مارکیٹ پولیس نے خفیہ اطلاع پر کارروائی کرتے ہوئے کامران ولد نواب علی کو گرفتار کیا۔
پولیس کے مطابق ملزم کے قبضے سے ماوا کی 30 پڑیاں اور 200 روپے نقد برآمد ہوئے۔ اس کے خلاف FIR No. 558/2026 درج کرلی گئی۔
پولیس نے ملزم کو مزید تفتیش کے لیے انچارج سی آئی سی لیاقت آباد کے حوالے کردیا۔
بلال کالونی سے پستول برآمد
بلال کالونی پولیس نے مبینہ اسٹریٹ کرمنل فیضان لودھی عرف منا ولد ریاض لودھی کو گرفتار کیا۔
پولیس کے مطابق ملزم کے قبضے سے 30 بور پستول، دو راؤنڈ اور 150 روپے نقد برآمد ہوئے۔
ملزم کے خلاف FIR No. 451/2026 سندھ آرمز ایکٹ کی متعلقہ دفعہ کے تحت درج کرلی گئی۔
گبول ٹاؤن میں آئس فروش گرفتار
گبول ٹاؤن پولیس نے انٹیلیجنس ذرائع کی نشاندہی اور معاونت سے شاہد خان ولد وارث خان کو گرفتار کیا۔
پولیس کے مطابق ملزم کے قبضے سے 22 گرام آئس برآمد ہوئی۔ اس کے خلاف FIR No. 170/2026 درج کی گئی۔
پولیس کا کہنا ہے کہ شاہد خان کا سابقہ کرمنل ریکارڈ بھی موجود ہے۔ اس کے خلاف مختلف تھانوں میں غیر قانونی اسلحہ، ڈکیتی، پولیس پر حملے اور دیگر جرائم کے مقدمات درج ہیں۔
پولیس کے مطابق متعدد مقدمات میں عدالتیں ملزم کو اشتہاری قرار دے چکی ہیں۔
