احسن اقبال کی زیرِ صدارت کچی کنال اور دیگر ترقیاتی منصوبوں کی پیشرفت کا جائزہ لینے کے لیے اجلاس ہوا۔
وفاقی وزیر نے کچی کنال منصوبے پر بلوچستان حکومت کو اعتماد میں لینے کی ہدایت کی۔
انہوں نے کہا کہ منصوبے کے حوالے سے تمام دستیاب آپشنز پر صوبائی حکومت کو آگاہ کیا جائے۔
احسن اقبال نے منصوبے کو شفاف اور مؤثر انداز میں آگے بڑھانے پر زور دیا۔
پائیڈ کی اراضی کا معاملہ
اجلاس میں پائیڈ کو اراضی کی فراہمی میں تاخیر پر بھی تشویش کا اظہار کیا گیا۔
احسن اقبال نے کہا کہ چھ سال گزرنے کے باوجود پائیڈ کو اراضی فراہم نہیں کی گئی۔
انہوں نے سی ڈی اے کے طرزِ عمل پر سوال اٹھایا۔
وفاقی وزیر نے کہا کہ سرکاری ادارے کے ساتھ ایسا رویہ قابلِ تشویش ہے۔
انہوں نے کہا کہ پائیڈ کی اراضی کا معاملہ مزید التوا میں نہیں رکھا جا سکتا۔
احسن اقبال نے متعلقہ حکام کو معاملہ جلد حل کرنے کی ہدایت کی۔
لورالائی، ژوب سڑک منصوبہ
وفاقی وزیر نے لورالائی، ژوب 35 کلومیٹر سڑک منصوبے کا بھی جائزہ لیا۔
انہوں نے منصوبے کی بروقت تکمیل یقینی بنانے کی ہدایت کی۔
احسن اقبال نے ترقیاتی منصوبوں میں شفافیت اور مقررہ وقت کی پابندی پر زور دیا۔
