اسلام آباد ہائیکورٹ میں سانحہ پمز کی تحقیقات کے لیے درخواست دائر کردی گئی ہے، جس میں واقعے کے ذمہ داروں کا تعین کرنے کے لیے وفاقی تحقیقاتی ادارے (ایف آئی اے) سے تحقیقات کرانے کی استدعا کی گئی ہے۔
درخواست میں پمز کے ایگزیکٹو ڈائریکٹر رانا عمران سکندر کو عہدے سے ہٹانے کی بھی استدعا کی گئی ہے۔
درخواست گزار نے عدالت سے پمز کی سی سی ٹی وی فوٹیج سمیت واقعے سے متعلق تمام ریکارڈ تحویل میں لینے کی ہدایت جاری کرنے کی درخواست کی ہے۔
درخواست میں وفاقی حکومت، وزارتِ صحت، پمز، ایف آئی اے اور دیگر متعلقہ فریقین کو فریق بنایا گیا ہے۔
