کراچی واٹر اینڈ سیوریج کارپوریشن نے ای فائلنگ سسٹم متعارف کرا دیا ہے۔ اس اقدام کا مقصد دفتری امور کو جدید اور تیز بنانا ہے۔
ترجمان واٹر کارپوریشن کے مطابق نیا نظام فائلوں کی نقل و حرکت آسان بنائے گا۔ اس سے منظوری کا عمل بھی تیز ہوگا۔
سرکاری خط و کتابت اب ڈیجیٹل نظام کے ذریعے ہوگی۔ اس اقدام سے کاغذ کے استعمال میں بھی کمی آئے گی۔
واٹر کارپوریشن کے سی ای او احمد علی صدیقی ای فائلنگ سسٹم کے ذریعے فائلوں کا جائزہ لے رہے ہیں۔ وہ ڈیجیٹل نظام پر فائلوں کی منظوری بھی دے رہے ہیں۔
ترجمان کے مطابق نیا نظام دفتری امور کی نگرانی بہتر بنائے گا۔ فائلوں کی بروقت پراسیسنگ بھی ممکن ہوگی۔
ای فائلنگ سے ریکارڈ مینجمنٹ میں بہتری آئے گی۔ اس سے دفتری کارکردگی بھی بہتر ہوگی۔
ترجمان نے کہا کہ ڈیجیٹل نظام فیصلہ سازی میں شفافیت بڑھائے گا۔ افسران فائلوں کی پیش رفت بھی مؤثر انداز میں دیکھ سکیں گے۔
واٹر کارپوریشن کے مطابق ای فائلنگ ڈیجیٹل اصلاحات کا اہم حصہ ہے۔ ادارہ جدید ٹیکنالوجی کے ذریعے انتظامی نظام بہتر بنا رہا ہے۔