کراچی کے ضلع ویسٹ میں منشیات فروش کے خلاف کارروائی کرتے ہوئے تھانہ اورنگی پولیس نے مطلوب ملزم شہزاد ولد عظیم کو گرفتار کرلیا۔
ایس ایس پی ویسٹ طارق الٰہی مستوئی کے مطابق پولیس نے خفیہ اطلاع پر کارروائی کرتے ہوئے ملزم کو گرفتار کیا، جس کا نام مطلوب منشیات فروشوں کی اے پلس کیٹیگری میں شامل تھا۔
پولیس نے گرفتار ملزم کے قبضے سے مختلف پڑیوں میں موجود 105 گرام آئس اور نقدی برآمد کی۔
ایس ایس پی ویسٹ کے مطابق پولیس نے ملزم کے خلاف ضابطے کے تحت مقدمہ درج کرلیا ہے اور واقعے سے متعلق مزید تفتیش جاری ہے۔
