کراچی پولیس نے گزشتہ 24 گھنٹوں کے دوران ڈسٹرکٹ سٹی میں مختلف ٹارگٹڈ کارروائیاں کرتے ہوئے 14 ملزمان کو گرفتار کر لیا۔
پولیس کے مطابق گرفتار افراد میں دو موٹر سائیکل لفٹر، چار مبینہ منشیات فروش، سات غیر قانونی طور پر مقیم افغان باشندے اور ایک مفرور ملزم شامل ہیں۔
منشیات اور چوری شدہ موٹر سائیکلیں برآمد
پولیس کا کہنا ہے کہ کارروائیوں کے دوران دو چوری شدہ موٹر سائیکلیں، آئس، کرسٹل اور شراب کی بوتلیں برآمد ہوئیں۔
برآمد ہونے والی موٹر سائیکل نمبر KBG-3923 کا مقدمہ تھانہ نیپئر میں درج ہے۔
دوسری موٹر سائیکل نمبر KDT-7293 کا مقدمہ تھانہ سٹی کورٹ میں درج ہے۔
ملزمان مختلف علاقوں سے گرفتار
پولیس کے مطابق ملزمان کی شناخت حبیب الرحمٰن عرف حبیب بلوچ، یاسین، احسان، ایاز علی، حسنین اور محمد فیضان عرف فیضی کے ناموں سے ہوئی ہے۔
انہیں تھانہ نیپئر، عیدگاہ، سٹی کورٹ اور کلاکوٹ کی حدود سے گرفتار کیا گیا۔
کئی ملزمان کا مجرمانہ ریکارڈ موجود
پولیس کے مطابق ملزم حسنین اس سے قبل بھی منشیات کے دو مقدمات میں گرفتار ہو چکا ہے۔
ملزم ایاز بھی ماضی میں منشیات کے ایک مقدمے میں گرفتار ہو کر جیل جا چکا ہے۔
ملزم عاصم موٹر سائیکل لفٹنگ اور منشیات کے دو مقدمات میں پہلے بھی گرفتار ہو چکا ہے۔
پولیس کے مطابق عزیز الرحمٰن عرف حبیب بلوچ ماضی میں منشیات کے پانچ مقدمات میں گرفتار ہو کر جیل جا چکا ہے۔
مقدمات درج، تفتیش جاری
پولیس نے تمام ملزمان کے خلاف متعلقہ تھانوں میں مقدمات درج کر لیے ہیں۔
مزید قانونی کارروائی کے لیے ملزمان کو تفتیشی حکام کے حوالے کر دیا گیا۔