ملائیشیا اسرائیلی شہری کے معاملے پر وزیراعظم انور ابراہیم نے کہا ہے کہ اگر ملک میں کوئی اسرائیلی شہری پایا گیا تو اسے فوری طور پر ملک بدر کر دیا جائے گا۔
انہوں نے کہا کہ حکام جنوبی ریاست جوہر میں ایک نجی رہائشی کمیونٹی کی سرگرمیوں کی تحقیقات کر رہے ہیں۔
ان کے مطابق ان سرگرمیوں میں مبینہ طور پر اسرائیلی شہریوں کی شمولیت کے الزامات سامنے آئے ہیں۔
وزیراعظم نے کہا کہ متعلقہ ادارے اس معاملے کی چھان بین کر رہے ہیں۔
انہوں نے کہا کہ اگر الزامات درست ثابت ہوئے تو حکومت کسی قسم کی رعایت نہیں دے گی۔
انور ابراہیم نے کہا کہ ملائیشیا اسرائیل کو تسلیم نہیں کرتا۔
انہوں نے واضح کیا کہ اگر کوئی اسرائیلی شہری پایا گیا تو اسے فوری طور پر ڈی پورٹ کر دیا جائے گا۔
ترک میڈیا کے مطابق اسرائیلی پاسپورٹ رکھنے والے افراد کو ملائیشیا میں داخلے کی اجازت نہیں دی جاتی۔
رپورٹ میں کہا گیا کہ خصوصی حکومتی اجازت کی صورت میں استثنیٰ دیا جا سکتا ہے۔
یہ معاملہ اس وقت سامنے آیا جب ریاستی حکومت نے نیٹ ورک اسکول نامی اسٹارٹ اپ کمیونٹی سے متعلق الزامات کی وفاقی تحقیقات کا مطالبہ کیا۔
اس کے بعد وزارتِ داخلہ نے اس معاملے کی باقاعدہ انکوائری شروع کر دی۔