فیفا فٹ بال ورلڈ کپ میں کینیڈا نے قطر کو 0-6 سے شکست دے کر ٹورنامنٹ کی تاریخ میں اپنی پہلی کامیابی حاصل کر لی۔
کینیڈا کا شاندار آغاز
میچ کے آغاز سے ہی کینیڈا نے جارحانہ کھیل پیش کیا۔ ٹیم نے گیند پر بھرپور کنٹرول رکھا اور قطر کو دفاعی کھیل پر مجبور کر دیا۔
اعداد و شمار کے مطابق میچ کے 78 فیصد وقت تک گیند کینیڈا کے کھلاڑیوں کے پاس رہی۔
پہلے ہاف میں تین گول
کینیڈا نے 16ویں منٹ میں برتری حاصل کی۔ لارین نے ٹیم کی جانب سے پہلا گول اسکور کیا۔
29ویں منٹ میں جوناتھن ڈیوڈ نے دوسرا گول کیا۔ پہلے ہاف کے اضافی وقت میں انہوں نے ایک اور گول کر کے اسکور 0-3 کر دیا۔
وقفے تک قطر کی ٹیم کوئی مؤثر جواب نہ دے سکی۔
دوسرے ہاف میں بھی دباؤ برقرار
دوسرے ہاف میں بھی کینیڈا نے کھیل پر مکمل گرفت برقرار رکھی۔
64ویں منٹ میں سلیبہ نے چوتھا گول اسکور کیا۔ 75ویں منٹ میں قطر کے کھلاڑی منائی سے اپنی ہی ٹیم کے خلاف گول ہو گیا، جس سے اسکور 0-5 ہو گیا۔
جوناتھن ڈیوڈ کی ہیٹ ٹرک
میچ کے اضافی وقت میں جوناتھن ڈیوڈ نے اپنا تیسرا گول اسکور کیا۔
اس گول کے ساتھ انہوں نے ہیٹ ٹرک مکمل کی اور کینیڈا کی برتری کو 0-6 تک پہنچا دیا۔
گروپ بی میں پہلی پوزیشن
میچ کے اختتام پر کینیڈا نے 3 قیمتی پوائنٹس حاصل کیے۔ اس کامیابی کے بعد ٹیم کے مجموعی پوائنٹس چار ہو گئے ہیں۔
بہتر گول اوسط کی بنیاد پر کینیڈا نے گروپ بی میں پہلی پوزیشن حاصل کر لی ہے، جبکہ سوئٹزرلینڈ دوسرے نمبر پر موجود ہے۔