کراچی

کراچی میں رینجرز کا اسمگلنگ کے خلاف کریک ڈاؤن، 50 لاکھ مالیت کی نان کسٹم پیڈ اشیاء برآمد

جون 6, 2025
Tashakur News
11 Comments

کراچی: پاکستان رینجرز (سندھ) کی اسمگلنگ کے خلاف زیرو ٹالرنس پالیسی کے تحت کریک ڈاؤن کا سلسلہ کامیابی سے جاری ہے۔ حالیہ کارروائی کے دوران کراچی کے علاقوں بنارس اور اورنگی ٹاؤن میں اسنیپ چیکنگ کے دوران دو اسمگلرز سعیداللہ اور عبیداللہ کو گرفتار کر لیا گیا۔

آئی جی جیل خانہ جات فدا حسین مستوی کا ملیر جیل کا دورہ، سیکیورٹی مزید سخت کرنے کی ہدایت

ترجمان رینجرز کے مطابق گرفتار ملزمان دو سوزوکی گاڑیوں پر ایک ہی نمبر پلیٹ KU-5969 لگا کر نان کسٹم پیڈ اشیاء بلوچستان سے کراچی اسمگل کر رہے تھے۔ تلاشی کے دوران گاڑیوں سے آتش بازی کا سامان، غیر ملکی سگریٹس اور کپڑا برآمد کیا گیا، جن کی مجموعی مالیت 50 لاکھ روپے سے زائد ہے۔

رینجرز حکام کا کہنا ہے کہ اسمگلنگ میں ملوث افراد کے خلاف آپریشن بلا تعطل جاری رہے گا۔
گرفتار ملزمان کو ضبط شدہ سامان سمیت مزید قانونی کارروائی کے لیے کسٹمز انفورسمنٹ کے حوالے کر دیا گیا ہے۔

عوام سے اپیل کی گئی ہے کہ اسمگلنگ اور جرائم پیشہ عناصر کی اطلاع فوری طور پر قریبی رینجرز چیک پوسٹ، ہیلپ لائن 1101 یا واٹس ایپ نمبر 0347-9001111 پر دیں۔ اطلاع دینے والے کا نام مکمل رازداری میں رکھا جائے گا۔

11 thoughts on “کراچی میں رینجرز کا اسمگلنگ کے خلاف کریک ڈاؤن، 50 لاکھ مالیت کی نان کسٹم پیڈ اشیاء برآمد”

  1. پنگ بیک: کراچی میں ایک بار پھر زلزلے کے جھٹکے شہری خوفزدہ شدت 3.5 ریکارڈ - Tashakur News

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!