کراچی (اسٹاف رپورٹر) — تھانہ ائیرپورٹ کی حدود میں واقع ناتھا خان پل پر تیز رفتار مسافر بس بے قابو ہو کر الٹ گئی، جس کے نتیجے میں متعدد افراد زخمی ہو گئے۔ حادثے کی اطلاع پر پولیس اور ریسکیو ٹیمیں فوری طور پر موقع پر پہنچ گئیں اور امدادی کارروائیاں شروع کر دیں۔
ڈپٹی کمشنر کا نوٹس: آر آر میموریل گراؤنڈ میں منگل بازار کا اجازت نامہ منسوخ
پولیس حکام کے مطابق بس کی تیز رفتاری حادثے کی اہم وجہ بنی، جس کے باعث ڈرائیور گاڑی پر قابو نہ رکھ سکا۔ زخمیوں کو موقع پر ابتدائی طبی امداد دینے کے بعد فوری طور پر قریبی اسپتال منتقل کیا گیا، جہاں ڈاکٹرز کے مطابق تمام زخمیوں کی حالت خطرے سے باہر ہے۔
ادھر ٹریفک پولیس نے جائے حادثہ کو فوری طور پر گھیرے میں لے کر الٹی ہوئی بس کو ہٹا دیا، جس سے ٹریفک کی روانی بحال کر دی گئی۔ واقعے کی مزید تحقیقات جاری ہیں تاکہ حادثے کے مکمل اسباب سامنے لائے جا سکیں۔
