پریمیئر لیگ کے اتوار کے ڈرامائی اختتامی دن میں کئی بڑی پیش رفت ہوئیں۔ لیورپول نے کرسٹل پیلس کے خلاف 1-1 سے ڈرا کے بعد بیسواں لیگ ٹائٹل جیتنے کا جشن منایا۔ اس کے ساتھ ہی مانچسٹر سٹی، چیلسی اور نیو کیسل نے اگلے سیزن کی چیمپئنز لیگ میں جگہ بنا لی۔
35 سال بعد ان فیلڈ میں جشن لیورپول نے پریمیئر لیگ کا ٹائٹل جیت لیا وین ڈائک نے ٹرافی اٹھائی
لیورپول اور آرسنل پہلے ہی ٹاپ ٹو میں شامل ہو کر چیمپئنز لیگ کے لیے کوالیفائی کر چکے تھے۔ مانچسٹر سٹی نے فولہم کو 2-0 سے شکست دے کر مسلسل 15ویں مرتبہ یورپ کے ٹاپ مقابلے میں جگہ بنائی، جب کہ چیلسی نے نوٹنگھم فاریسٹ کو 1-0 سے ہرا کر ٹاپ فور میں واپسی کی۔
نیو کیسل کو اگرچہ ایورٹن سے 1-0 سے شکست ہوئی، لیکن وہ گول کے فرق کی بنیاد پر پانچویں نمبر پر رہا۔ ایسٹن ولا نے متنازعہ میچ میں مانچسٹر یونائیٹڈ سے 2-0 کی شکست کے بعد چھٹا مقام حاصل کیا اور یوروپا لیگ میں کوالیفائی کیا۔
لیورپول کے اینفیلڈ میں جشن کا ماحول تھا جہاں سابق مینیجر جورگن کلوپ بھی موجود تھے، لیکن کرسٹل پیلس نے اسماعیلہ سار کے ابتدائی گول کی بدولت پارٹی کو خراب کر دیا۔ بعد میں محمد صلاح کے گول سے میچ برابر رہا۔
دوسری جانب ٹوٹنہم کو یوروپا لیگ جیتنے کے بعد برائٹن کے ہاتھوں 4-1 کی شکست کا سامنا کرنا پڑا اور وہ ساتویں سے نیچے آ گئے۔ آرسنل نے ساؤتھمپٹن کو 2-1 سے شکست دی جبکہ ویسٹ ہیم، لیسٹر، وولوز، برینٹ فورڈ اور دیگر ٹیموں کے میچز نے ٹیبل کی آخری پوزیشنز کو بھی طے کر دیا۔