کراچی (نمائندہ تخصیص): ضلع کیماڑی کے تھانہ جیکسن پولیس نے ایس ایس پی کیماڑی کیپٹن (ر) فیضان علی کی ہدایت پر بڑی کامیابی حاصل کرتے ہوئے مسان چوک کیماڑی سے منشیات فروشی میں ملوث دو خطرناک عادی مجرموں کو گرفتار کر لیا۔
گرفتار ملزمان کی شناخت ساجد ولد سید الرحمن اور بخت زمان ولد شیرزمان کے ناموں سے ہوئی ہے۔ پولیس کے مطابق، گرفتار ملزمان کے قبضے سے 55 گرام کرسٹال برآمد کی گئی ہے۔
اہم انکشاف یہ ہے کہ ملزم ساجد ولد سید الرحمن نہ صرف کیٹیگری "بی” کے مطلوب منشیات فروش کی فہرست میں شامل ہے بلکہ تھانہ جیکسن میں مقدمہ نمبر 276/2021 بجرم دفعہ 6/9-B میں اشتہاری بھی تھا۔
مزید تفتیش کے دوران پولیس نے ان دونوں ملزمان کے سابقہ مجرمانہ ریکارڈ بھی جاری کیے، جو درج ذیل ہیں:
ساجد ولد سید الرحمن کے مقدمات:
FIR No. 309/2023 – U/S 4/8(1) – PS Jackson
FIR No. 276/2021 – U/S 6/9-B – PS Jackson
FIR No. 378/2022 – U/S 9(1)3b – PS Jackson
FIR No. 121/2018 – U/S 6/9(A) – PS Jackson
بخت زمان ولد شیرزمان کے مقدمات:
FIR No. 363/2019 – U/S 6/9-C – PS Jackson
FIR No. 210/2017
FIR No. 2/2018
پولیس نے دونوں ملزمان کے خلاف اینٹی نارکوٹکس ایکٹ کے تحت مقدمہ درج کر کے مزید تفتیش شروع کر دی ہے۔ پولیس حکام کا کہنا ہے کہ ملزمان سے حاصل ہونے والی معلومات کی روشنی میں مزید گرفتاریوں کا بھی امکان ہے۔