ڈسٹرکٹ ایسٹ کے سہراب گوٹھ ڈویژن پولیس نے ایک اہم کارروائی کے دوران بدنامِ زمانہ منشیات فروش کو گرفتار کر لیا۔ پولیس نے خفیہ اطلاع پر نور خان گوٹھ میں کامیاب چھاپہ مار کارروائی کرتے ہوئے ملزم فیاض ولد محمد ابڑو کو گرفتار کیا۔
کارروائی کے دوران ملزم کے قبضے سے 110 گرام اعلیٰ کوالٹی کی ہیروئن اور نقد رقم برآمد کی گئی۔ پولیس نے فوری طور پر ملزم کے خلاف کنٹرول آف نارکوٹکس سبسٹینس ایکٹ کے تحت مقدمہ درج کر کے مزید تفتیش شروع کر دی ہے۔
حکام کے مطابق، گرفتار ملزم کے سابقہ مجرمانہ ریکارڈ کے بارے میں بھی معلومات حاصل کی جا رہی ہیں تاکہ اس کے مکمل کرمنل نیٹ ورک کو بے نقاب کیا جا سکے۔ پولیس کی اس کارروائی کو علاقے میں منشیات کے خلاف بڑی کامیابی قرار دیا جا رہا ہے۔