سانحہ جعفر ایکسپریس کے بعد سے کوئٹہ ریلوے اسٹیشن تاحال بند ہے اور 10 روز گزرنے کے باوجود ٹرین سروس بحال نہیں کی جا سکی۔ اس بندش کی وجہ سے مسافروں، خصوصاً عید الفطر کے موقع پر دیگر شہروں کو جانے والے افراد کو شدید مشکلات کا سامنا ہے۔
پاکستان میں مقامی سطح پر تیار کردہ ’’ذہانت اے آئی‘‘ کا باضابطہ اجرا، جدید چیٹ بوٹ ملک کی نئی ٹیکنالوجی پہچان
ریلوے حکام کا کہنا ہے کہ سکیورٹی کلیئرنس موصول ہونے کے بعد ہی کوئٹہ سے ٹرین سروس دوبارہ بحال کی جائے گی۔ تاہم، اب تک کسی حتمی تاریخ کا اعلان نہیں کیا گیا۔
موبائل انٹرنیٹ کی بندش:
دوسری جانب، کوئٹہ شہر میں موبائل فون انٹرنیٹ سروس مسلسل دوسرے روز بھی معطل ہے۔ اطلاعات کے مطابق، انٹرنیٹ سروس دوپہر 2 بجے کے بعد معطل کر دی گئی تھی، جس کی وجہ سے شہریوں کو شدید پریشانی کا سامنا ہے۔
سرکاری حکام نے تاحال انٹرنیٹ سروس کی بندش کی کوئی باضابطہ وجہ نہیں بتائی، جس سے شہریوں میں مزید بے چینی پائی جا رہی ہے۔
