پاکستان میں مصنوعی ذہانت کے شعبے میں ایک اہم سنگ میل عبور کرتے ہوئے ’’ذہانت اے آئی‘‘ نامی جدید چیٹ بوٹ متعارف کرا دیا گیا ہے۔ یہ نظام پاکستانی ماہرین کی محنت اور جدید ٹیکنالوجی کے امتزاج کا نتیجہ ہے، جو مقامی ڈیٹا سرورز پر چلنے والی جدید ترین اے آئی سروس فراہم کرے گا۔
اداکارہ اریج چوہدری کا خواتین کو اسلحہ رکھنے کا مشورہ، اغوا کی کوشش ناکام بنانے کا انکشاف
اسلام آباد میں منعقدہ افتتاحی تقریب میں مختلف شعبوں سے تعلق رکھنے والے ماہرین اور آئی ٹی انڈسٹری کے نمائندے شریک ہوئے۔ اس موقع پر ’’ذہانت اے آئی‘‘ کی بانی اور معروف آئی ٹی ماہر، مہوش سلیمان علی نے منصوبے کی تفصیلات پر روشنی ڈالی۔
’’ذہانت اے آئی‘‘ کی خصوصیات:
یہ چیٹ بوٹ مختلف زبانوں میں صارفین کو خدمات فراہم کرنے کی صلاحیت رکھتا ہے اور مقامی ڈیٹا سرورز کے ذریعے تیز اور محفوظ سروس یقینی بناتا ہے۔ مہوش سلیمان نے اس موقع پر کہا کہ یہ نظام عالمی معیار کے مطابق تیار کیا گیا ہے اور پاکستان کو مصنوعی ذہانت کے میدان میں نمایاں مقام دلانے میں مدد دے گا۔
انہوں نے بتایا کہ ’’ذہانت اے آئی‘‘ کی تیاری کئی مراحل سے گزری اور تحقیق و محنت کے بعد اسے عملی شکل دی گئی۔ ان کا کہنا تھا کہ یہ کامیابی صرف ان کی نہیں بلکہ پورے پاکستان کی ہے، جو ملک میں جدید ٹیکنالوجی کے فروغ کی علامت ہے۔
تقریب میں شریک ٹیکنالوجی ماہرین نے ’’ذہانت اے آئی‘‘ کو پاکستان کی ایک بڑی کامیابی قرار دیا اور کہا کہ یہ نظام ملک کو عالمی سطح پر نمایاں مقام دلانے میں مددگار ثابت ہوگا۔
آئندہ کے منصوبے:
مہوش سلیمان نے اعلان کیا کہ ’’ذہانت اے آئی‘‘ کی مسلسل بہتری پر کام جاری ہے اور آنے والے دنوں میں اسے مزید زبانوں اور جدید فیچرز کے ساتھ اپ گریڈ کیا جائے گا تاکہ پاکستانی صارفین کی ضروریات کو بہتر انداز میں پورا کیا جا سکے۔
یہ لانچ پاکستان میں مصنوعی ذہانت کے فروغ کے لیے ایک اہم قدم ہے، جو ملک کو جدید ٹیکنالوجی کی دوڑ میں ایک مضبوط مقام فراہم کرنے میں معاون ثابت ہوگا۔
