پاک بحریہ کا جنگی جہاز پی این ایس اصلت بیرونِ ملک تعیناتی کے دوران انڈونیشیا میں منعقدہ کثیرالقومی بحری مشق "کموڈو-25” میں شریک ہوا، جس میں 38 ممالک کی بحری افواج نے حصہ لیا۔
پاک بحریہ کی اس بین الاقوامی مشق میں فعال شرکت اس کے علاقائی امن و استحکام کے عزم کا مظہر ہے۔ مشق کا آغاز فلیٹ ریویو سے ہوا، جہاں پی این ایس اصلت نے دیگر جنگی جہازوں کے ساتھ بحری صلاحیتوں اور باہمی تعاون کا مظاہرہ کیا۔
اے این ایف کا ملک بھر میں منشیات اسمگلنگ کے خلاف کریک ڈاؤن، 8 ملزمان گرفتار
اہم نکات:
پی این ایس اصلت نے انڈونیشیا کے علاوہ کولمبو، سری لنکا کا بھی دورہ کیا۔
کمانڈنگ آفیسر پی این ایس اصلت نے کمانڈر ویسٹرن نیول ایریا اور دیگر فوجی حکام سے ملاقاتیں کیں۔
پاک بحریہ کے جہاز ریجنل میری ٹائم سیکیورٹی پٹرول پر باقاعدگی سے تعینات کیے جاتے ہیں۔
سری لنکا اور انڈونیشیا کا یہ دورہ دونوں ممالک کے ساتھ بحری تعاون کے فروغ میں اہم کردار ادا کرے گا۔