18 فروری کی رات بلوچستان کے ضلع برکھان میں دہشت گردوں نے 7 نہتے افراد کو بس سے اتار کر گولیاں مار کر قتل کر دیا۔ ذرائع کے مطابق، حملہ آوروں کی تعداد 10 سے 12 تھی اور ان کا مقصد بلوچستان کی ترقی کو سبوتاژ کرنا تھا۔ مسافروں کے شناختی کارڈ چیک کرنے کے بعد انہیں قتل کیا گیا۔ بس کوئٹہ سے فیصل آباد جا رہی تھی، جس میں 45 مسافر سوار تھے۔
چاہت فتح علی خان کا چل چھیاں چھیاں کا ورژن: تنقید اور تعریف کا سامنا
ذرائع کا کہنا ہے کہ یہ حملہ ایک اور مثال ہے کہ غیر ملکی ملک دشمن عناصر کی ایماء پر معصوم پاکستانیوں کا خون بہایا جا رہا ہے۔ دہشت گردوں کا مقصد بلوچستان میں بد امنی پھیلانا اور عوامی فلاح و بہبود کے منصوبوں کو نقصان پہنچانا ہے۔ سیکیورٹی فورسز نے برکھان واقعے کے بعد علاقے میں سرچ آپریشن تیز کر دیا ہے۔
وزیر اعلیٰ بلوچستان نے اس واقعے کی مذمت کرتے ہوئے دہشت گردوں کو انصاف کے کٹہرے میں لانے کا عزم ظاہر کیا۔ دفاعی ماہرین نے بھی اس بزدلانہ حملے کی مذمت کی اور کہا کہ نہتے شہریوں کو نشانہ بنانا دہشت گردوں کی ذہنی مایوسی کو ظاہر کرتا ہے۔