گورنر سندھ کامران خان ٹیسوری نے وزیر اعلیٰ سندھ کو ایک خط تحریر کیا ہے جس میں کراچی میں ڈمپر، ٹرک اور واٹر ٹینکرز ڈرائیوروں کی لاپرواہ ڈرائیونگ پر تشویش کا اظہار کیا ہے۔ گورنر سندھ نے کہا کہ گزشتہ چند مہینوں میں ٹریفک قوانین کی خلاف ورزیوں اور حادثات میں نمایاں اضافہ ہوا ہے۔ اس حوالے سے انہوں نے چیف سیکرٹری کی سربراہی میں ایک اعلیٰ سطحی کمیشن تشکیل دینے کی تجویز دی ہے تاکہ ان حادثات کی وجوہات کی نشاندہی کی جا سکے اور ذمہ داروں کا تعین کیا جا سکے۔
غلام مرتضیٰ جتوئی کی گرفتاری، بلاول بھٹو زرداری کے قتل کی سازش کے مقدمے میں عدالت میں غیرحاضری کے باعث کارروائی
گورنر سندھ نے کہا کہ آئندہ ایسے واقعات کی روک تھام کے لیے مؤثر حکمت عملی بنانا ضروری ہے، کیونکہ اس وقت عوام میں شدید بے چینی اور تحفظات پائے جاتے ہیں۔ انہوں نے حکومت سے فوری اور مؤثر اقدامات اٹھانے کی استدعا کی تاکہ شہریوں کی قیمتی جانوں کا تحفظ یقینی بنایا جا سکے۔
