گارڈن میں بھتہ خوری اور فائرنگ کیس: کاروباری رنجش کا انکشاف، مرکزی ملزمان گرفتار

کراچی (اسٹاف رپورٹر) ڈسٹرکٹ سٹی کے علاقے گارڈن میں گزشتہ شام بیکری پر فائرنگ اور بھتہ خوری کا معاملہ کاروباری رنجش کا نتیجہ نکلا۔ ایس ایس پی سٹی عارف عزیز کے مطابق گارڈن پولیس نے واقعہ کو تین گھنٹوں کے اندر حل کر لیا۔

کراچی: جعلی کرنسی اور دیگر جرائم میں ملوث گروہ کے تین افراد گرفتار

واقعہ کی تفصیلات:

بیکری مالک کو 22 دسمبر سے دھمکی آمیز فون کالز موصول ہو رہی تھیں، جن میں 50 لاکھ روپے بھتہ طلب کیا گیا۔

گزشتہ شب بیکری پر فائرنگ کی گئی، جس کی اطلاع ملتے ہی گارڈن پولیس موقع پر پہنچی اور تفتیش شروع کی۔

ڈی ایس پی گارڈن اور ایس ایچ او گارڈن زبیر نواز نے جدید تکنیکی بنیادوں پر کارروائی کرتے ہوئے کیس کو حل کیا۔

ملزمان کی شناخت:

مرکزی ملزمان میں بیکری مالک کا سابقہ پارٹنر قمر شہزاد عرف قمبری اور ملازم شیر جان بلوچ شامل ہیں۔

ان دونوں نے مل کر مالک سے انتقام لینے کے لیے دھمکی آمیز فون کالز کروانے اور فائرنگ کا منصوبہ بنایا۔

ملزمان نے اپنے ساتھی جہانگیر بلوچ کو انٹرنیشنل نمبر سے دھمکیاں دینے اور فائرنگ کے لیے ہائر کیا۔

پولیس کارروائی:

تکنیکی بنیادوں پر کارروائی کرتے ہوئے گارڈن پولیس نے قمر شہزاد اور شیر جان بلوچ کو گرفتار کر لیا۔

ملزمان کے خلاف مقدمہ درج کر لیا گیا ہے، جبکہ ان کے ساتھی جہانگیر بلوچ کی تلاش جاری ہے۔

گرفتار ملزمان کا سابقہ کریمنل ریکارڈ معلوم کیا جا رہا ہے۔

مزید قانونی کارروائی:

گرفتار ملزمان کو مزید تحقیقات کے لیے SIU حکام کے حوالے کیا جا رہا ہے۔

پولیس نے کیس کو جلد منطقی انجام تک پہنچانے کا عزم ظاہر کیا ہے۔